अवधी भाषा
गुलि छ्यल उलि हे ज्वइ हँ
नँ यागु चुप्पि
जि धास्सा मे च्वका पिल्ह्वयत
खँ ग्वःत मुंका च्वनातिनि
सहयायां मगाःगु यातना
नुनास् छ्वयाच्वना तिनि
थःयात ज्वय्केत ।
परम्पराया नामय् क्वछुकागु थ्व छ्यंस्
छंगु पालि हे भ्वसुनाः च्वने कि
भचा च्वय् पुलि तक जक क्वछुइरु
कि ब्वह ब्वह ल्वाकाः मिखा जक क्वछुकूसां गाः रु
गुलि क्वछूसा भाग्यमानि धाइ धकाः
न विश्वविद्यालय सँ स्यन
न छुं सफुतिइ ब्वना जिं ।
छंगु नां नाप जिगु नां ल्वाका
निम्ह छम्ह हे जुइक पचिना
अयनं
जीवन पासाया लसतां थःगु लसता त्यलायन
वैगु हे इच्छा व अनिच्छाय् जिं पुइ पुला
झाः झाःपतिं पिहाँवैगु तं भकारिइ क्वक्वचिनाः छ्वया
जिगु म्हँगस जक न्यनाः हे थारा थारा न्हूम्ह व
आमइ व पुन्हीबलय् हिलाच्वनीगु
तिमिला व सुर्द्यस्या आकार थें
वैगु नितिं
जायज व नाजायज जुया च्वनी जिगु म्हगसत ।
वैगु इशाराय् च्वःप्वः मिलय् मयाय वं
प्यख्यरं पःखा दनाः कुनेगु ख्याच्वः
खँग्वलं जक बिइगु मखु
म्ह व ल्वाभःलँ नं बी ।
मां न धया च्वनी
थूसा स्वांब्व, मथूसा कंब्व
थःगु हे पर्सि पँत्तुपं वयाच्वनीगु कं हुतिंक चिइकाः
जितस् जि हे जुइ मबीगु
कंब्व जुयास् ब्वलंगु थ्व इहिपाया बन्धन चिइकावया ।
म्हिगस् छु जुल न्यनेमते जितस्
पलास् पतिंकं सुया च्वनीगु कं लिकना वया ।
छध्वः ह्याउँगु सिन्दुरं स्वाःगु व सम्बन्ध
छध्वः ह्याउँगु हे ल्हाः चिं नंः सिधयका वया ।
विणा नेम्कुल
वीणा नेम्कुल कवि, कथाकार वीणा नेम्कुल सानेपामा बस्नुहुन्छ । महिला कविहरू मिलेर कविताया लायक गठन गरेपछि नेपालभाषामा लेख्न शुरु गर्नुभएको हो। विभिन्न पत्रपत्रिकामा विशेषगरी छोटा कवितालगायत नियात्रा, लघुकथा, संस्मरण, प्रकाशन गरिरहनु भएकी साहित्यप्रेमी लेखनमा सक्रिय स्रष्टा हुनुहुन्छ ।
