मोरङ ।

विराटनगरका स्रष्टा गोकुल व्याकुलद्वारा लेखिएको आत्म–संस्मरणात्मक कृति ‘जीवन, सङ्घर्ष र मृत्यु’ लोकार्पण गरिएको छ । नेपाल स्रष्टा समाज कोसी प्रदेशको आयोजनामा खोटाङ सामाजिक सेवा मञ्चको सभा हलमा सम्पन्न उक्त कार्यक्रममा साहित्य, कला र शैक्षिक क्षेत्रका प्रतिष्ठित व्यक्तिहरूको उपस्थिति रहेको थियो ।

कार्यक्रमका प्रमुख अतिथि नेपाल स्रष्टा समाजका केन्द्रीय अध्यक्ष श्रीओम श्रेष्ठ ‘रोदन’ रहनुभएको थियो । विशेष अतिथिमा प्राज्ञद्वय विवश पोखरेल र गङ्गा सुवेदी, नरेन्द्र स्मृति साहित्य प्रतिष्ठानकी अध्यक्ष सरला चापागाईं, प्राध्यापक कविराज न्यौपाने, अग्रज स्रष्टा बलराम पोखरेल, प्रा.डा. हरिहर भण्डारी लगायतका व्यक्तित्वको सहभागिता थियो ।

कृतिको विस्तृत समीक्षा भूषण ढुङ्गेलले प्रस्तुत गर्नुभएको थियो । कार्यक्रमका वक्ताहरू-सरला चापागाईं, कविराज न्यौपाने, विवश पोखरेल, हरि कट्टेल, प्रदीप सापकोटा आदिले गोकुल व्याकुलको सिर्जना यात्रा, संघर्षशील व्यक्तित्व र नेपाली साहित्यमा गरेको योगदानको प्रशंसा गर्दै शुभकामना व्यक्त गर्नुभयो ।

कार्यक्रममा हरि कट्टेल, केशु विरही, उमानाथ भट्टराई ‘अचल’, भरत बर्बरिक, भवानीप्रसाद पोखरेल, मीनकुमार नवोदित, नवराज पोखरेल ‘नवशिला’, मञ्जु घिमिरे दाहाल, गोपाल सुवेदी, लक्ष्मी रायमाझी, सुजता राईलगायतका स्रष्टा तथा कलाकारहरूको पनि उल्लेख्य उपस्थिति थियो ।
नेपाल स्रष्टा समाज कोसी प्रदेशका संयोजक कृष्णप्रसाद भण्डारी मार्सेलीको अध्यक्षतामा सञ्चालन भएको कार्यक्रमको सञ्चालन सचिव लक्ष्मी पोखरेलले गर्नुभयो । उपाध्यक्ष बाबुराम पोखरेलले शब्दमार्फत सबै आगन्तुकलाई स्वागत गर्नुभयो थियो ।

त्यस्तै, संस्थाको प्रथम साधारण सभाले मार्सेलीकै अध्यक्षतामा ११ सदस्यीय नयाँ कार्यसमिति चयन गरेको छ। जसमा लक्ष्मी पोखरेल (सचिव) बाबुराम पोखरेल (कोषाध्यक्ष) सदस्यहरूः हरि कट्टेल, प्रयाग न्यौपाने, शारदा भट्टराई, पुष्पा सायरा, निर्मला कोइराला, निर्मला नेपाल, मीनकुमार नवोदित र सुजता राई रहनुभएको छ ।

पहिलो बैठकले बलराम पोखरेल, कविराज न्यौपाने, विवश पोखरेल, गङ्गा सुवेदी, केशु विरही, दिङ्ग्लाली कान्छोलगायत स्रष्टालाई सल्लाहकारमा मनोनयन गरिएको छ । कार्यक्रम सफलतापूर्वक सम्पन्न गर्दै आयोजकले गोकुल व्याकुलको कृतिले नेपाली साहित्यमा महत्वपूर्ण योगदान पु¥याउने विश्वास व्यक्त गर्नुभयो ।