कविता
१. कोइ माछाको नियम
कोइ माछा एक प्रकारको सजावटी माछा हो
जब माछाको ट्याङ्कीमा राखिन्छ,
केवल ८ सेन्टिमिटर बढ्छ ।
तर खोलामा छोडियो भने,
यसको आकार अनिश्चित बढ्छ
तपाईंको सपनाको रूख जस्तै ।
२. जङ्गलमाझको गाउँमा
जंगलमा, रूखहरू भेला हुन्छन् र बाँच्छन्
ठूला रूखहरू मुनि साना रूखहरू
साना रूखहरू मुनि आकर्षक साना जंगली फूलहरू
उमार्दै र फैलाउँदै आफ्ना डाँठहरू सद्भावमा बस्छन् ।
जंगलमा, रूखहरू भेला हुन्छन् र बाँच्छन्
ठूला रूखहरूले साना रूखहरूको हात समात्छन्
साना रूखहरूले बसेका जंगली फूलहरूलाई उठाउँछन्
फुल्दै र मुस्कुराउँदै, सद्भावमा बस्छन् ।
तपाईँ जंगलमा प्रवेश गर्ने बित्तिकै, सूर्यको किरण मुस्कुराउँछ
खोलाले आफ्नो शरीरको तल्लो अङ्ग देखाउँछ र हाँस्छ पनि
जंगलमा, प्रत्येक मौसममा हाँसो फुल्छ
जंगलमा, आँसु पनि फूलमा परिणत हुन्छ ।
३. विभेदरहित, एकअर्कामा भर पर्दै
राजमार्गमा गाडी चलाउँदै गर्दा
मैले एउटा पहाडलाई रूखमा अडेस लागेको देखेँ
मैले एउटा रूखलाई आकाशमा अडेस लागेको देखेँ ।
डुङ्गा चलाउँदै
चेओङ्सान-डो जाँदै गर्दा
मैले पानीलाई थोपाहरूमा अडेस लागेको देखेँ ।
मैले आकाशलाई सामुन्द्रिक चराको पखेटामा अडेस लागेको देखेँ ।
पृथ्वी फुल्नको लागि बीउमा अडेस लाग्छ
र एउटी आमाको स्तन बढ्छ आफ्नो बच्चामा अडेस लाग्दा ।
साँझ पर्दा,
मैले खेतमा झारपातहरू एकअर्काको काँधमा अडेस लागेको देखेँ
ती काँधहरूमा, घामकिरा बसेका थिए
गहिरो निदाइरहेका ।।
डा. हे सिओन ली
