• २०८१ असार ११ सोमबार

वरिष्ठ कवि कृष्ण जोशीको नाममा पुरस्कार स्थापना

वासु शशी स्मृति परिषद्ले डालो रेस्टुरेन्ट, अनामनगर, काठमाडौंमा आयोजना गरेको संस्थाको साधारणसभामा संस्थाका निवर्तमान अध्यक्ष वरिष्ठ साहित्यकार कृष्ण जोशीको सम्झनामा ‘कृष्ण–सरस्वती साहित्य पुरस्कर’को स्थापना गरेको छ । पाँच लाखको अक्षयकोष राखिएको यस पुरस्कर व्यवस्थापन समितिको संयोजकमा साहित्यकार राधेश्याम लेकाली, सचिवमा कवि प्रद्युम्न जोशी र सदस्यमा सुमन घिमिरे ‘वर्षा’ रहनुभएको छ ।
यसैगरी समितिको संरक्षकमा श्रीमती सरस्वती जोशी र सहसंरक्षमा कवि सुन्दर जोशी (अमेरिका) रहनु भएको छ ।

नगद पचिस हजार र सम्मानपत्र रहने ‘कृष्ण–सरस्वती साहित्य पुरस्कर’ प्रत्येक बर्ष एक स्रष्टालाई प्रदान गरिने जनाइएको छ । संस्थाका अध्यक्ष वरिष्ठ सर्जक गणेश रसिकको सभापतित्वमा सम्पन्न सो कार्यक्रममा सचिव प्रद्युम्न जोशीले सचिवको प्रतिवेदन र आर्थिक प्रतिवेदन प्रस्तुत गर्नुभएको थियो । कार्यक्रममा साहित्यकारहरू हिरण्यकुमारी पाठक, श्याम प्रधान, राधेश्याम लेकाली,जयदेव भट्टराई, ध्रुब मधिकर्मी, ठाकुर वेलबासे, यादव भट्टराईलगायतको उपस्थिति थियो ।