आख्यान–श्रृङ्खला
सुनसरी ।
याक्थुङ समुदायको संस्कृतिक र सामाजिक जीवन पद्धतिलाई डो¥याउने ‘मुन्धुम हावेक’ शनिबार सार्वजनिक गरिएको छ । तुम्याहाङ भीमप्रसाद मुदेन्छङ सावा लिम्बूद्वारा संकलित मुन्धुम हावेकको याक्थुङ संस्कृतिविद् येहाङ लावतीले धरानमा विमोचन गरेका हुन् ।
याक्थुङ मुन्धुमी भाषा र सिरिजंगा लिपिमा रहेको मुन्धुम हावेकलाई डीबी आङबुङले सम्पादन र अनुवाद गरेका हुन् । संकलक सांवालेका अनुसार लिम्बुको मुन्धुम मौखिक रुपमा मात्र पुस्तान्तरण हुँदै आकाले थुमथुमका मुन्धुमको मुख्य प्रारुप नै फरक रहेको पाइन्छ ।
उनले भने, ‘मुन्धुम एउटै नै भएपनि थुमथुमअनुसार मुन्धुमका उच्चारण शैली, पात्र, फरकफरक पाइने भएको मुन्धुमप्रति चासो र चिन्ता राख्ने व्यक्तिहरूबीच मतभेद भई अविश्वास सिर्जना हुने अवस्था छ । ती अविश्वासलाई मेट्ने उद्देश्य हावेक मुन्धुम प्रकाशन गरिएको हो ।’
