• २०८१ श्रावाण ३ बिहीबार

कबाडी

संसार नेपाली

संसार नेपाली

एकाबिहानै
एक कबाडीवाला
घरै अगाडि आयो
र चिच्यायो
“ओ कबाडी.. कबाडी !“

उसलाई दिन
मसँग केही थिएन
तर जब उ
घरभित्रै छिर्यो
मलाई पनि करै लाग्यो
र मन नलागी नलागी निकालेँ
वर्षौँदेखी मनभित्रै थन्किएका
सपनाका थोत्रा पोकाहरु

कबाडीवालाले
“भारी, तर अबिकाउ“भन्दै
पोकाहरु नलिई हिँड्यो

भन्थे
सपनाको कुनै मोल हुँदैन ..
साँच्चै, हो रहेछ !


संसार नेपाली