कविता-हिन्दी
विस्तारै तिमी मरिरहेका हुन्छौ
यदि तिमी यात्रा गर्दैनौ भने
यदि तिमी पढ्दैनौ भने
जिन्दगीको आवाज सुन्दैनौ भने
यदि तिमी आफैमाथि गर्व गर्दैनौ भने ।
विस्तारै तिमी मरिरहेका हुन्छौ
यदि तिमी स्वार्थी छौ भने
यदि अरूलाई सघाउन सक्दैनौ भने ।
विस्तारै तिमी मरिरहेका हुन्छौ
यदि तिमी आफ्ना बानीहरूको दास हौ भने
सधैँ एउटै बाटो हिडीरहँदा
तिमी आफ्नो तरीका फेर्दैनौ भने
यदि तिम्रा लुगाहरू रंगीन छैनन
या कुनै अपरिचितसँग तिमी
बात मार्दैनौ भने ।
वस्तारै तिमी मरिरहेका हुन्छौ
यदि आफ्ना भावनाहरू लुकाउँछौ भने
आँधीजस्ता भावनाहरू
जसबाट आँखामा तेज
र मुटुको धड्कन बढ्छ ।
तिमी विस्तारै मरिरहेका हुन्छौ
यदि तिमी आफ्नो जिउने तरिका बदल्दैनौ भने
जब तिम्रो काम, तिम्रो प्रेम,
तिम्रो परिवेश उदेकलाग्दो हुनथाल्छ
यदि अपरिचितका लागि
तिमी परिचितलाई दाऊमा लगाउन सक्दैनौ भने
यदि तिमी सपनाहरूलाई पछ्याउन सक्दैनौ भने
कम से कम जीवनमा एकपटक
तिमी कुनै गम्भिर सल्लाहलाई
मान्नबाट इन्कार गर्न सक्दैनौ भने ।
विस्तारै, विस्तारै तिमी मरिरहेका हुन्छौ ।
अनुवाद: राजेन्द्र शलभ
