रश्मि रिमाल

वसन्तको आगमनमा
रातागुलाफहरू
उडेका पन्छीहरू जस्तै
नाची,नाची कुदिरहेका छन्
धर्तीभरि
बीचबाटोमै बिलाए सरि
बेमौसमी फूलेर
झरेका मनहरू
मुटुभित्र उकुसमुकुस
भएर
सपनाको भेलसगै
बगिरहेका छन् ।

त्यो रातो गुलाफ
जस्तै मुस्काउदै
ताराभित्रफूल ?
आँखाको सागरमा
सपनाको भेलसँगै
लाटोकोसेरो सरि भएर
काल्पनिक उडान भरे होलान्
बादलको सामर्थ्य बिस्तारसँगै
नयाँखोज र अनुसन्धानको दुःखद,
सत्यताको अमूर्त परिधिभित्र
हाँसो र घृणाको विषयवस्तुसंग
रातो गुलाफ भएर
फूलिरहन्छ.!!!!

रश्मि रिमाल
[email protected]