जन्मभूमि: कर्मभूमि - Aksharang
  • २०७८ जेठ ४ मङ्गलबार

जन्मभूमि: कर्मभूमि

सौरभ बाँस्कोटा (विचारक)

सौरभ बाँस्कोटा (विचारक)

मरण त्यहीँ होस्, जहाँ मेरो जन्म भयो ।
शरण त्यहीँ रहोस्, जहाँ यी हातले कर्म गर्यो ।।
आइरहून् कष्टशील क्षण बरु, कि म सक्रिय त बहने छु ।
नआऊन् आरामदायी पल बरु, कि म अल्छियुक्त रहने छु ।।

सास फेर्दाको पहिलो ठाउँबाट,  शुद्ध हावा नै खोजिरहेँ ।
कर्म गर्दाको पहिलो घाउबाट,  दक्षको सावाँ नै रोजिरहेँ ।।
जहाँ म फूल भै फक्रिएँ,  त्यहीँ चुपचाप झर्न सकूँ ।
कोहलको यो दुनियाँमा, शान्तिको बिगुल फुक्न सकूँ ।।

जन्म, कर्म दुवै दाताको गुन र नुन बिर्सन्नँ म ।
प्यार छ दुवै गाथाको ममा,  यिनको विरुद्ध उभन्नँ म ।।
आयु भलै छोटो होस्,  होओस् जीवन सुन्दर ।
जन्म- कर्मभूमि देव,  छैनन् है कुनै अन्तर ।।

जसले तिमिलाई जन्म दिए,  लागोस् आशिष उनको सदा ।
जसले तिमीलाई कर्म दिए,  बनोस् योग्य जहीँ जाँदा ।।


saurabbaskota3@gmail.com