• २०८१ माघ २७ आइतबार

प्रेम !

धनराज गिरी

धनराज गिरी

यही प्रेम, प्रेम भनी जीवनभरि गाउने !
यही प्रेम पाउनलाई प्रेमनगर धाउने !

तर यही  प्रेम  बन्छ ठूलो अपराध  !!
पागल प्रेमीप्रेमिकाले अति हण्डर पाउने !

हुन्न नियम हृदयको तीनै भूगोलमा !
कुनै छवि,अति सुन्दर हृदयमा छाउने !

लुकी लुकी लायो माया बाहिरिए, स्वाहा !
चियो गर्छ दुनियाँले, जोडी मुस्कुराउने !!

प्रेमकथा पीडायुक्त मिलन वियोग मिलन !
लैला-मजनू राधाकृष्ण कति गुन्गुनाउने !! ?


धनराज गिरी