लघु कथा
भ्रष्टाचारलाई मूलमन्त्रको सिरानी बनायौ
देशको स्वाभिमान बेचेर खरानी बनायौ
वीरका सन्तानलाई अरबमा जान बाध्य पार्यौ
सक्कली नेपालीलाई नक्कली भुटानी बनायौ ।
यो खेलमा तिम्रो जीत हुँदैन, सकुनिहरू छन्
यो देशमा तिम्रो भलो हुँदैन, खुनीहरू छन्
शीर काटेर देऊ, छालै काढेर देऊस देख्दैनन्
यहाँ गुण देख्ने कोही हुँदैनन्, बैगुणीहरू छन् ।
यहाँ पनि भ्रष्ट छन्, त्यहाँ पनि भ्रष्ट छन्
हेर्दै गयो देखिन्छन्, जहाँ पनि भ्रष्ट छन्
तिनै चाण्डाल भ्रष्टहरूले घेरिएर बस्नुछ
बायाँ पनि भ्रष्ट छन्, दायाँ पनि भ्रष्ट छन् ।
सत्ताको स्वादमा पल्केर दल पनि अकासियो
हाईब्रिडको जमानामा सानो फल पनि अकासियो
हिजोआज अकासिने क्रम अझै बढ्दो छ हेर
अवसरवादी भएपछि छल पनि अकासियो ।
दिव्य गिरी
