काठमाडौँ, २०८०।

नेपाल प्रज्ञा–प्रतिष्ठान, साहित्य (मातृभाषा) विभागले आयोजना गरेको एक कार्यक्रमबिच जीवनप्रवेश रोकामगरले ‘मगर खाम (भाषा) को साहित्यिक अवस्था’ विषयक कार्यपत्र प्रस्तुत गर्नुभएको थियो । नेपाल प्रज्ञा-प्रतिष्ठानका माननीय कुलपति भूपाल राईले प्रतिष्ठानकै देवकोटा सभाकक्षमा ब्यानर वाचन गरेर कार्यक्रमको उद्घाटन गर्नुभएको थियो ।

यस अवसरमा कुलपति राईले प्रतिष्ठानबाट प्रकाशित मगरभाषाको साहित्यिक पत्रिका “मिक”को विमोचन गर्दै समावेशी ढङ्गबाट सम्पूर्ण भाषाभाषीको स्वामित्वबोध हुने गरी प्रज्ञा-प्रतिष्ठानले काम गरिरहेको छ । साथै मगरभाषाको साहित्यिक पत्रिका मिक जस्तै तामाङ, राई र गुरुङलगायतका ओझेलमा परेका विभिन्न मातृभाषाका साहित्यिक पत्रिकाहरू प्रकाशित गर्दै जाने प्रतिबद्धता व्यक्त गर्नुभएको थियो ।

यसैगरी स्वागत मनतव्यका क्रममा प्रज्ञा(प्रतिष्ठानका प्राज्ञ परिषद् सदस्य तथा दर्शनशास्त्र विभाग प्रमुख डा. कुष्णराज अधिकारीले कार्यक्रमको ओैचित्यमाथि प्रकाश पार्दै मगरभाषा -साहित्य हामी सबैको सम्पदा भएकाले यसको संरक्षण, प्रवद्र्धन र विकासमा सबै मिलेर अघि बढ्नुपर्ने बताउनुभएको थियो ।

यस कार्यक्रमका सभाध्यक्ष, नेपाल प्रज्ञा(प्रतिष्ठानका प्राज्ञ परिषद् सदस्य तथा साहित्य (मातृभाषा) विभाग प्रमुख राजन मुकारुङले मातृभाषा साहित्यको उत्थान गर्नमा प्रतिष्ठान लागिपरेको छ । क्रमशः सम्पूर्ण मातृभाषीको साहित्य सिर्जनालाई उच्च प्राथमिकता दिने बताउँदै धन्यवाद ज्ञापनसहित कार्यक्रमको समापन गर्नुभएको थियो । कार्यक्रममा मिक पत्रिकाको परिचय प्रज्ञा-प्रतिष्ठानका प्राज्ञसभा सदस्य डा. विष्णुकुमार सिञ्जालीमगरले गर्नुभएको थियो ।

यस कार्यक्रममा जीवनप्रवेश रोका मगरद्वारा प्रस्तुत ‘मगर खाम (भाषा)को साहित्यिक अवस्था’ विषयक कार्यपत्रमाथि पूरक सुझाव डा.टीपी धमला, कर्णबहादुर बुढामगर, नन्दबहादुर घर्तीमगर, सुमित्रा बुढामगर, गौबहादुर आलेमगर, गोपाल पुनमगर र गुप्तबहादुर रानामगरले राख्नुभएको थियो ।कार्यक्रममा वाम्बुले राई भाषाका कवि एलिना वाम्बुले राई, गुरुङ भाषाका कवि छम गुरुङ र रानाथारू भाषाका कवि रोहित रानाथारूले आआफ्नो मातृभाषामा कविता वाचन गर्नुभएको थियो ।

यसैगरी “मिक”का प्रधान सम्पादकमा प्राज्ञ परिषद् सदस्य डा. कृष्णराज अधिकारी, कार्यकारी सम्पादकमा प्रज्ञासभा सदस्य डा. विष्णुकुमार सिञ्जालीमगर, सम्पादक मण्डलमा जीवनप्रवेश रोकामगर, जगबहादुर बुढामगर, मनकुमारी ठाडामगर (मनु), हिरामती रानामगर र हेमा आलेमगर ‘बोगी’ तथा सल्लाहकारमा प्रा. डा. केशरजङ बरालमगर, लोकबहादुर थापामगर र कर्णबहादुर बुढामगर रहनुभएको मिकको पहिलो अङ्कको विमोचन प्रज्ञा-प्रतिष्ठानका कुलपति राईले गर्नुभएको थियो । कार्यक्रमको उद्घोषण तथा सहजीकरण प्राज्ञसभा सदस्य चेतनाथ धमलाले गर्नुभएको थियो ।