कविता
जति जतन गरे पनि तनले सुख दिन्न !
उल्टो-उल्टो सोचिएमा मनले सुख दिन्न !
चाहिने छ हरियाली प्राण जिन्दगीको !
कसले भन्छ मान्छेलाई वनले सुख दिन्न ?
वरदान कलम हुन्छ पोखे विचार शुद्ध !
दुनियाँमा कैले पनि ‘गन’ले सुख दिन्न !
फलाम चुटे केही छैन, होला उपयोगी !
ठोक्न थाले शिरमाथि घनले सुख दिन्न !
बनी मौरी गरी उद्यम कमाउनू कुस्त !
मारी गरिब बने अमिर, ‘धन’ले सुख दिन्न !!
(गिरी स्थापित साहित्यकार हुन् ।)
