कविता
दुईचार हजारको अप्ठेरो पर्दा ,साह्रै नमजा
हितैषी सम्झ्यो उहि चमेरो पर्दा, साह्रै नमजा ।।
विधिको विधान टारेर टर्दै नटर्ने कसै गरि
दशैं तिहारमा जुठो सुत्केरो पर्दा, साह्रै नमजा ।
पर्ख पर्ख ! शुभेच्छुक दशैं आउन बाँकी छ
भरियाको काम छैन आफ्नै कलम साथी छ ।।
दुईचार अक्षर लेखेर शुभकामना पठाऊ
कति बन्छौ हुलाकी दुई शब्द नै काफी छ ।
चाडवाड आए मुखमा पैसा फल्दैनन् रुखमा
कमाउन नि गाह्रै छ मन गएन कमिसन घुसमा ।।
महङ्गीको चेपमा निम्न/मध्यमवर्ग चेपिन्छन
धर्म संस्कार जोगाऔंँ मितव्ययी बनी दुखमा ।
मीठो नौलो खाना खाइन्थ्यो र पो दशै जस्तो दशैं थ्यो ।
नयाँ चप्पल पड्काइन्थ्यो र पो दशैं जस्तो दशैं थ्यो ।।
चोकचोकमा लठ्ठे/ चौंडाले पिङ्ग कहाँ पाउनु हजुर-
चरर..हुई.. भन्दै मच्चाइन्थ्यो र पो दशै जस्तो दशैं थ्यो ।
भरत आचार्य
[email protected]
