• २०७९ असोज १९ बुधबार

जलिसक्यो आशा

प्रकाश सुवेदी

प्रकाश सुवेदी

बलत्कारी व्यभिचारी झनै फस्टाईसके
सदाचारी भन्नेहरु पनि अस्ताईसके

समयले कोल्टो फेर्यो छेपाराले रङ्ग
सदाचारी उठ् बस् गर्छ दुराचारी सँग
विर्षिसक्यो नीति नियम सिद्धान्तका कुरा
ध्यानमा मग्न ऋषि पनि तान्छन् अचेल सुरा

सिद्धान्त नि हुनथाल्यो पानाभित्रै सिमित्
राजनीति दर्शनशाष्त्र छानाभित्रै सिमित्
मन्थराले झोसी आगो जलिसक्यो आशा
कतिञ्जेल पल्टने हो शकुनिको पाशा


(सुवेदी चर्चित साहित्यकार हुन् ।)
[email protected]