कही अनकही
पाउनु पर्ने हामीबाट अत्याधिक सम्मान
त्यस्ता राष्ट्र सेवक हुन् अन्नदाता किसान
घाम पानी हिलो सँग मित्रता गरी
सजाउछन् आ-आफ्नो खेत र बारी
असारमा गीत गाउँदै धान बाली रोप्ने
सन्तान झैँ त्यो बालीलाई किराबाट छोप्ने
मंसिरमा समय आउँछ बाली भित्र्याउने
व्यापारको माध्यमवाट घर-घर पुर्याउने
खेतबाट धानबाली जब घरसम्म आउँछ
वर्णन गर्न गाह्रै छ कति खुसी सँगै ल्याउँछ
पौष माघ हिउँदमा अर्को बाली लगाउने
फेरी पनि कोसिस गर्छन् गरिबीलाई भगाउने
कोही अन्न बाली रोप्ने कोही रोप्ने फल
हिसाब छैन कुनै जसको प्रतिफल
यस्तो छ उहाँहरूको मेहनत गर्ने बानी
वर्षै भरी संघर्ष गर्छन् हारै नमानी
यस्ता राष्ट्र सेवकलाई मेरो सलाम छ
उहाँहरूलाई उत्साहित गर्ने हाम्रै काम छ !!
अर्जुन झा, विष्णु-६ सर्लाही
