दिव्य गिरी

घाइते मुटु
घाइते मुटु लिएर म हाँसु कसरी
बिर्सेर तिमीलाई म बाँचु कसरी ?

आकासको जून मसँगसँगै रुन्छ
बगैँचाको फूल मेरो आँसुसँगै झर्छ
भुलेर तिम्रो पिरतीको गाथालाई
अरूसँग मायाँ म गाँसु कसरी
घाइते मुटु लिएर म हाँसु कसरी ?

मायालु टाढा हुँदा, हुँदैन माया टाढा
माया जति टाढा, झनै हुने गाढा
बिर्सेर तिम्रो पिरतीको कथालाई
अरूको तस्बिर छातीमा टाँसु कसरी ?
घाइते मुटु लिएर म हाँसु कसरी ?

महालक्ष्मी न.पा.५, ललितपुर ।