काठमाडौं ।

मोहन मैनालीको ‘मुकाम रणमैदान’लाई २०८० सालको मदन पुरस्कार प्रदान गरिएको छ । मदन पुरस्कार गुठीले बिहीबार काठमाडौंमा एक कार्यक्रमको आयोजना गरेर पुरस्कार वितरण गरेको हो । त्यस्तै, प्रा. डा. योगेन्द्रप्रसाद यादवलाई जगदम्बाश्री पुरस्कार प्रदान गरिएको छ । दुवै पुरस्कारको राशि चारचार लाख रुपैयाँ छ ।

‘मुकाम रणमैदान’लाई परिश्रमपूर्वक खोजबिन, ऐतिहासिक सन्दर्भ र सामग्रीलाई सरल, सरस एवं प्रभावमय भाषामार्फत लोकप्रिय बनाउन उल्लेख्य रचनात्मक योगदान र्पुयाएबापत ‘मदन पुरस्कार’ प्रदान गरिएको गुठीले जनाएको छ ।

त्यस्तै, ‘नेपालका भाषाहरूको पहिचान, संरक्षण र अध्ययन–अनुसन्धान क्षेत्रमा निरन्तर समर्पित भई गहकिलो प्राज्ञिक योगदान’ गरे बापत प्रा. डा. यादवलाई जगदम्बा–श्री अर्पण गरिएको जनाइएको छ ।