कविता
यो अनौठो भेट
तिमीसग गोधूलीमा
मेरो अन्तस्करणको सौगात हो
तिम्रो हात समाएर बसेको
आत्मिय एक हात हो
दिनहरूलाई सम्झनामा उतार
नठान कहिल्यै यो रात हो ।
हाम्रो यो क्षण
समयको साक्षी हो,
मर्म हो जीवनको
एक सन्देश हो, प्रभात हो,
यसरी म जुन
तिमीलाई भेट्न आए
मेरो आत्मामा तिमी छौ
तिमीलाई बताउन पाए ।
के भनि सोध्छ्यौ भने,
सोधिहेर,
मुटुले बोलेको छ यो
हाम्रो यो भेट क्षणिक होइन,
जन्म जन्मको साथ हो
यही मान,
मायाको वृक्ष छ,
हाम्रो भेट्नु,
त्यसैको एक हरियो पात हो ।
साभार: मेघा (कवितासङ्ग्रह)
[email protected]
(चौधरी विशिष्ट साहित्यकार हुन् ।)
