• २०७९ मंसिर २१ बुधबार

कसरी सोधौँ तिम्रो खबर

बसन्त चौधरी

बसन्त चौधरी

आफ्नै दुःखमा अल्झिएको छु
पीडापीडामा बल्झिएको छु
कसरी सोधौँ खबर तिम्रो
बेखबर–बेखबर छु

दिनहरू रातजस्ता छन्
रातहरू भयानक लाग्छन्
नियतिको चक्रव्यूहमा
निसास्सिएको समय छ
निसास्सिएको छु म

धमिला आँखाहरूले
नखोजेका होइनन् तिम्रो चित्र
पीडाको कोलाहलमा
नसुनेको होइन तिम्रो आवाज
दुखेको हृदयले नसम्झेको होइन
तिम्रा म्वाइका शीतल फूलहरू
अन्योल र पीडाको यो उलझनले
गाउन बिर्सेको हो जीवनका गीतहरू

मौनताको कठोर व्यथामा
दुखिरहेको छु
आत्माविश्वासको आकाश
झर्न खोज्छ
सामथ्र्य खर्चेर यसलाई
थामिरहेको छु
नसम्झेको होइन तिमीलाई
बिर्सेको पो कहिले छु र !
कसरी सोधौँ खबर तिम्रो
म आफैँ ठेगानाविहीन
भएको छु ।

साभार: तिमीविनाको म (कवितासङ्ग्रह)


[email protected]
(चौधरी विशिष्ट साहित्यकार हुन् ।)


कबड्डी

झरी

आत्मा शान्ति