कविता–हिन्दी
तीनवटा कागहरू मडाँरिंदै थिए
मारिएको गुरिल्ला सैनिकको लाश माथि
र दुःख प्रगर गर्दै थिए ।
कसलाई खबर दिने यस दुर्घटनाको
उसलाई, जसले यससँग विवाह गर्यो
या फेरी यसकी बुढी आमालाई
या यसका प्यारा साथीहरूलाई ?
तीनवटा काग लगातार उडीरहे
पहिलोले भन्यो
साह्रै गाह्रो छ
यसको श्रीमतीसम्म पुग्ने बाटो खोज्नु
अर्कोले भन्यो
सबैतिर धुवाँ धुवाँ मात्र छ
यसका साथीहरूलाई खोज्नु कठीन छ ।
तीनवटा काग घुमीरहे लगातार
सोची रहे, सोच्दै उडी रहे
तेस्रोले भन्यो
म जान सक्छु उसको बुढी आमाकहाँ
तर खबर यति भारी छ कि
मेरा प्वाँखहरूले बोक्न सक्दैनन् यसको भार ।
तीनवटा काग उड्दै घुमीरहे लगातार ।
अनुवाद: राजेन्द्र शलभ
