• २०८१ असार २ शनिवार

यो प्रेमको संसार

टाढाबाट,
यति राम्री छ्यौ तिमी
कि अनजानै म तिमीतिर नजिकिन्छु
र अग्निछेउको मैनझैँ
शनैःशनैः म पग्लिन्छु !
यति सङ्लिन्छु कि
रित्तिँदै हुन्छु म
तिमीमै एकाकार !

तर आकार
स्वयं नै अन्धकार रहेछ
कसरी अट्नु त्यसमा
प्रेमको संसार ?

मात्र त्यही लिन्छ
प्रेमले आकार
जहाँ छ निराकार
नितान्त निराकार !

साभार: वसन्त (कवितासङ्ग्रह)


[email protected]
(चौधरी विशिष्ट साहित्यकार हुन् ।)