• २०८१ बैशाख ८ शनिवार

नेपाल–भारत साहित्य महोत्सवले सम्मानको घोषणा

काठमाडौंमा आगामी २०७९ बैशाख १६-१८ मा आयोजना गरिने नेपाल–भारत साहित्य महोत्सव-Nepal–India Literature Festivel दोस्रो संस्करणमा वरिष्ठ सस्कृतिविद शताब्दी पुरुष सत्यमोहन जोशीलाई भानु सम्मान २०७९ प्रदान गरिने भएको छ ।

नेपाल-भारत साहित्य महोत्सव आयोजक समितिका अध्यक्ष राधेश्याम लेकालीको अध्यक्षतामा बसेको बैठकले सो निर्णय गरेको हो । सोही बैठकले जोशीको शीघ्र स्वास्थलाभको हार्दिक कामना पनि गरेको छ ।

सोही महोत्सवको अवसरमा वरिष्ठ साहित्यकारहरू प्रा. डा. वासुदेव त्रिपाठी, प्राज्ञ बैरागी काईला, मोदनाथ प्रश्रित, घनश्याम राजकर्णिकार, गणेश रसिक, प्रा. डा. गोविन्दराज भट्टराई, डा. रामदयाल राकेश, र डा. राजेन्द्र विमललाई भानु-तुलसी साहित्य सम्मान प्रदान गर्ने भएको छ ।

यसैगरी वरिष्ठ सर्जकहरू हिरण्यकुमारी पाठक, डा. गार्गी शर्मा, माया ठकुरी, प्रा. डा. उषा ठाकुर, डा. बेन्जु शर्मा, प्राज्ञ उन्नती बोहरा शीला, र पद्मावती सिहलाई भानु-तुलसी साहित्य सम्मान प्रदान गर्ने भएको छ ।

यसैगरी भारतका साहित्यकार एवं मेरठ फेस्टिबलका आयोजक डा. विजय पण्डितलाई नेपाल सम्मान २०२२ तथा नेपाल-भारत साहित्य महोत्सव प्रथम संस्करणका अध्यक्ष साहित्यकार गणेश लाठलाई पनि सम्मानित गर्ने भएको छ । सबै सम्मान आगामी २०७८ बैशाख १६ गते प्रदानगर्ने जानकारी महोत्सव सचिवालयले जनाएको छ ।

नेपाल-भारत साहित्य महोत्सवले गत २०७८ फागुन १४ (Feb 26, 2022 ) गते भारतको केरलाबाट आएका साहित्यकारहरू डा. रतिकापंचारप्पोयिल कोट्टायि, डा. रम्याबालन के र कवि दिलना के. रविलाई सम्मानित गरिसकेको छ । सोही कार्यक्रममा दिल्ली, भारतबाट आएका साहित्यकारहरू कमला सिह र दिलदार देहलवीलाई पनि सम्मान गरेको थियो ।