• २०८१ असार १ शुक्रबार

सन्तोष अम्गाईंको मुक्तक सङ्ग्रह ‘सयल’ को लोकार्पण

बैशाक १, काठमाडौँ,

नव वर्षको शुरूवातको दिन जमल स्थित राष्ट्रिय नाचघरमा मुक्तककार सन्तोष अम्गाईंको मुक्तक सङ्ग्रह ‘सयल’ को लोकार्पण भएको छ । कार्यक्रममा नेपाली साहित्यजगतका विभिन्न विधाका विशिष्ट व्यक्तित्वहरू गीतकार यादव खरेल, कवि विवस पोखरेल, कवि रमेश पौडेल, , रामकाजी कोने, हरिकृष्ण काफ्ले लगायतका साहित्यकारहरुको बाक्लो उपस्थिति थियो । ‘सयल’माथि डा. रेनुका सोलु, र डा. देवी नेपालले मन्तव्य सहित समीक्षा गरेका थिए भने अन्य व्यक्तित्वहरूबाट मन्तव्य साथै सङ्ग्रहबाट सर्जकलाई हौसला स्वरूप मुक्तक वाचनगर्दै सर्जकलाई बधाइ तथा शुभकामना दिइएको थियो ।