• २०८१ असार १२ मङ्गलबार

सुन्दरता

रमण घिमिरे

रमण घिमिरे

सपना देखेँ भन्छु
तर आँखा त खुलै थिए
कसको बन्द आँखाले देखेँ हुँला
मैले यति सुन्दर सपना ?

तिम्रा आँखाले होला सायद !

गुलाफ मुस्कुराउँछ भन्छन्
तर फूलको आँखा र ओठ
देखेको छैन अहिलेसम्म मैले त

गुलाफको छेउमा
तिमी मुस्कुराउँछ्यौ होला सायद !

जूनलाई सारै सुन्दर भन्थे
आँखामा सुन्दरताले चिहाओस् भनेर
झ्याल खोलेँ
जून बादलमा कतै
लुकिसकेछ

तिमीसँग लजाएर होला सायद !


रमण घिमिरे
[email protected]