“विनयी“ एचएन

छोराछोरी नजन्मि आमाको जन्म हुदो रहेनछ
हुँदो रहेछ प्राणीहरूको जन्मसंगै मृत्युको पनि जन्म
थोकहरूको सृष्टिसंगै बिनासको जन्म भएझैं
मेरो “म” विरोधिका लागि हुँदोरहेछ
मैले लगाउने लुगा कसका लागि ?

एउटा अहमप्रश्न !
मेरी श्रीमती ?
मेरो श्रीमान ?
मेरा छोराछोरी ?
के बस्तु हो श्रीमती ?
के थोक हो श्रीमान ?
के सामग्री हुन छोराछोरी ?

सृष्टिको एउटामात्र पनि जड बस्तु त आफ्नो हुँदैन भने !!!
हरेक प्राणीमा त “म“प्रबल छ
कसरी हामी मेरो भनिरहेछौं हँ ?
जहाँ आग्रह छ मेरो भन्ने केही छैन
यो स्पेसमा तिम्रो दाबी त नि महाशय-
मोति बटुल्न समुद्रमा गएको नुनको पोको सिवाय केही होइन !

तिम्ले दोहोर्याई रहने तेहेर्याई रहने बारम्बारका
रूडताहरू, ढिटहरू
बेतुक अहङ्कारहरू
तिमीलाई गिज्याई रहेछन्
पाईला-पाईलामा उपहास गरिरहेछन्
मलाई पनि त्यसै गरिरहेछन्
जसो तिमीलाई गर्ने गर्छन्
भो अब पर्दैन
तिमी हामी दुधको सांक्षी बिरालो बन्नु
अहिंसा र “म” एउटै गमलामा फुल्न सक्दैन महाशय !!
बस…

“विनयी“ एचएन (इलाम)
[email protected]