• २०७९ असोज १९ बुधबार

चिन्ता केको लिन्छौ

अङ्कुर चन्द

अङ्कुर चन्द

मान्छे जन्म्यो अनि मर्छ, चिन्ता केको लिन्छौ ?
चोट मान्छेलाई नै पर्छ, चिन्ता केको लिन्छौ ?

काँडा सधैँ ठिङ्ग, उभिएको हुन्छ बोटाभरि,
ओइली फुल मात्रै झर्छ, चिन्ता केको लिन्छौ ?

हेर ! धेरैले यो दुनियाँमा खान लाउन पाछैनन,
तिम्रो त यौटा बस्ने घर छ चिन्ता केको लिन्छौ ?

दुःखी किन हुन्छौ यो, भयो त्यो भएन भनी,
यो सब भगवानले गर्छ, चिन्ता केको लिन्छौ ?

तिमीले त बिस्र्यौ होली, तर मेरो मुटु भरि,
तिम्रै मायाको मात्र असर छ, चिन्ता केको लिन्छौ  ?


(कञ्चनपुरनिवासी चन्द नवोदित स्रष्टा हुन् ।
[email protected]