काठमाडौं ।

विश्व साइकलयात्री तथा सगरमाथा आरोही पुष्कर शाहको दोस्रो किताब ’मृत सागरदेखि सगरमाथासम्म’ सार्वजनिक भएको छ । प्रज्ञा भवनमा आयोजित कार्यक्रममा जेनजी आन्दोलनका अगुवाहरू माजिद अन्सारी, युजन राजभण्डारी र भावना राउतले लेखक शाहसँगै पुस्तक लोकार्पण गरे ।

जेनजी अगुवाहरूले शाहको यात्राका उतारचढाव, भोक, अभाव र अदम्य साहस युवा पुस्ताका लागि प्रेरणादायी रहेको बताए । लेखक शाहले आमाले दिएको १०० रुपैयाँको भरमा इच्छाशक्तिकै बलमा संसार घुमेको बताउँदै नयाँ पुस्तासँग किताब लोकार्पण गर्न पाउँदा खुसी व्यक्त गरे । यो पुस्तक बुकहिलले प्रकाशन गरेको हो ।