• २०७९ माघ २४ मङ्गलबार

वरिष्ठ पत्रकार रिसालको ‘छानिएका रचना’ सार्वजनिक

वरिष्ठ पत्रकार भैरव रिसालद्वारा लिखित ‘छानिएका रचना’ सार्वजनिक भएको छ । सिमल बुक पब्लिकेशनले यहाँ आज आयोजना गरेको पुस्तक लोकार्पण कार्यक्रममा वरिष्ठ अधिवक्ता कृष्णप्रसाद भण्डारी, समाजसेवी तथा वरिष्ठ चिकित्सक गौरीशङ्कर लाल दास, लेखक रिसाल र डा. गोविन्द सार्की नेपालीले संयुक्तरूपमा आज लोकार्पण गरे । वरिष्ठ पत्रकार रिसालको ९५ औँ जन्मदिनको अवसरमा आज पुस्तक विमोचन गरिएको हो ।

पुस्तकमा मजदुर (दैनिक) र श्रमिक (साप्ताहिक) पत्रिकामा छापिएका करिब दुई सय लेख मध्येबाट छानेर करिब ६५ लेखलाई पुस्तकमा समावेश गरिएको छ । सिमल बुक पब्लिकेशनले प्रकाशन गरेको सो पुस्तकको मूल्य रु ५०० रहेको छ । पुस्तकमा ‘खल्लो नयाँ वर्ष’, ‘मरणोपरान्त पनि सजाय दिउँ’, ‘नेहरुको चिठी सार्वजनिक गर’, ‘खोजेको के भइरहेको छ ? ’‘नक्सा एकता एमसीसी विरुद्ध पनि’, ‘कति तरल राजनीति’ र ‘अविलम्ब सार्वजनिक गर’ लगायतका लेख समावेश गरिएको छ ।

पुस्तकलाई वरिष्ठ पत्रकार भरतराज पोखरेलले सम्पादन गरेका छन् । समाजसेवी तथा वरिष्ठ चिकित्सकदासले बहुआयामिकव्यक्तित्व व पत्रकार रिसालले समाजमापुर्याएको योगदानको राज्यले उच्चकदर गर्नुपर्नेमाजोड दिए ।