कविता
पहाडमा होस् या समुद्रमा
एक्लै अनुभव गर हावा, हावा
महशुस गर रूखहरू
र उजाडिएको अन्नबाली ।
मुुहारमा मुस्कान होस्
र होस् आकाश हाम्रा शिरमाथि
सन्नाटा होस् दक्षिण तिर
या पूर्व तिर
र एउटा नयाँ नदी जन्मेको होस् ।
झमझम पानी परिरहेको होस्
हावा जोडले चलेको होस्
चिसोले कटकट खाईरहेको होस्
समुद्रको किनारा होस्
बिजुली चम्की रहेको होस्
तै पनि मनमा आशा होस्
पहाडमा होस् या समुद्रमा हामी
एक्लै, एक्लै ।
मात्र उसको हाँसो होस् त्यहाँ
र मेरो आत्मा होस्
केवल मेरो एकाकीपन होस्
र होस् उसको मौनता ।
अनुवाद: राजेन्द्र शलभ
