निबन्ध
आधाआधा दुवैलाई बराबरी पार्न पाए
खुसी फल्ने कल्पवृक्ष, हामीबीच सार्न पाए।
इतिहासले फेरि अर्को मुनामदन खोज्यो भने
अमर हाम्रा प्रेम कथा कागजमा उतार्न पाए।
न त रुन्थे हाम्रा रात न नै उड्थे मन कतै
यो दुरी वा मजबुरी सबै सँधै मार्न पाए ।
एकै पथ लक्ष उही शिखर पुग्थ्यौँ साथसाथै
दुई घाटका हामी माझी एउटै डुङ्गा तार्न पाए ।
अलिकति खेल खेली सानोतिनो झेल गरि
जानीजानी “मधु“सँग सारा बाजि हार्न पाए ।
मन्दिरा मधुश्री
[email protected]
