प्रकाश सुवेदी

असारै लाग्यो दर्कियो पानी धर्कियो यो मन
घरका जहान सम्झेर उतै फर्कियो यो मन

प्रवासी माटो यो जीवनशैली रूच्दैन क्यै गरि
बुझाउँ भन्छु म आफ्नै मन बुझ्दैन क्यै गरि
त्यो गाउँ घर बेसीको फाँट भुलौं म कसरी
न आफ्नोपन न आफ्ना मान्छे खुलौं म कसरी

साइत  गर्दा सानै थि सानी चिन्छे कि क्यार्छे खै
पहिले जस्तै समाई हात हिड्छे कि क्यार्छे खै
आमा र बाबा छुटे नि साथ झ-झल्को आउँछ
बेगनास रूपा तस्विर बनि आँखैमा छाउँछ

(प्रकाश सुवेदी चर्चित गीतकार हुन् ।)
[email protected]